പ്രിയ വര്‍ഗീസിൻ്റെ നിയമനം ശരിവെച്ച ഹൈക്കോടതി വിധി മാധ്യമങ്ങളുടെയും ഗവർണ്ണറുടെയും കണ്ണ് തുറപ്പിക്കും
പ്രിയ വര്‍ഗീസിന്റൈ നിയമനം: മാധ്യമപ്രവര്‍ത്തനത്തെക്കുറിച്ചുള്ള കേരള ഹൈക്കോടതിയുടെ നിരീക്ഷണവും ഏറെ ശ്രദ്ധേയം. ഹീനമായ പ്രവർത്തനമെന്നും മന്ത്രി പി രാജീവ്. കണ്ണൂര്‍ സര്‍വകലാശാലയില്‍ പ്രിയ വര്‍ഗീസിനെ അസോസിയറ്റ് പ്രൊഫസറായി നിയമിക്കാനുള്ള ശുപാര്‍ശ ശരിവെച്ച ഹൈക്കോടതി വിധിയിലാണ് വളരെ ശ്രദ്ധേയമായ ചില പരാമര്‍ശങ്ങള്‍ നടത്തിയിട്ടുള്ളതെന്ന് മന്ത്രി പി രാജീവ്. ഹൈക്കോടതി വിധി ഗവര്‍ണര്‍ക്കുള്ള തിരിച്ചടിയാണെന്ന് എം സ്വരാജും അഭിപ്രായപ്പെട്ടു.
പൗരന്മാരുടെ അന്തസ് സംരക്ഷിക്കുന്ന വിധത്തിലുള്ള മാധ്യമപ്രവര്‍ത്തനം സാധ്യമാക്കിക്കൊണ്ട് കേരളം ഒരു മാതൃക തീര്‍ക്കണമെന്നും അദ്ദേഹം മാധ്യമങ്ങളോട് പ്രതികരിച്ചു. അതേസമയം, കണ്ണൂര്‍ സര്‍വകലാശാലയില്‍ പ്രിയ വര്‍ഗീസിനെ അസോസിയറ്റ് പ്രൊഫസറായി നിയമിക്കാനുള്ള ശുപാര്‍ശ ശരിവെച്ച ഹൈക്കോടതി വിധി ഗവര്‍ണര്‍ക്കുള്ള തിരിച്ചടിയാണെന്ന് എം സ്വരാജും പ്രതികരിച്ചു.
കേരളത്തിലെ മാധ്യമങ്ങള്‍ പിന്തുടരുന്ന അങ്ങേയറ്റം ഹീനമായ റിപ്പോര്‍ട്ടിങ് ശൈലിക്കേറ്റ കനത്ത പ്രഹരമാണ് ഹൈക്കോടതി ഡിവിഷന്‍ ബഞ്ചിന്റെ വിധി. ലജ്ജയുടെ കണികയെങ്കിലും ഉണ്ടെങ്കില്‍ മാധ്യമ പ്രവര്‍ത്തകര്‍ ആത്മപരിശോധന നടത്തണമെന്നും സ്വരാജ് പറഞ്ഞു.
