നവരാത്രി ആഘോഷം: സംസ്ഥാനത്ത് ഒക്ടോബർ 19 ന് പൊതു അവധി പ്രഖ്യാപിച്ചു

.

നവരാത്രി ആഘോഷങ്ങളോടനുബന്ധിച്ച് സംസ്ഥാനത്തെ പ്രൊഫഷണൽ കോളേജുകൾ ഉൾപ്പടെ എല്ലാ വിദ്യാഭ്യാസ സ്ഥാപനങ്ങൾക്കും ഒക്ടോബർ 19 ന് തിങ്കളാഴ്ച പൊതു അവധി പ്രഖ്യാപിച്ചു. സർക്കാർ, അർദ്ധ സർക്കാർ, പൊതു മേഖലാ സ്ഥാപനങ്ങൾക്കും, നെ​ഗോഷ്യബിൾ ഇൻസ്ട്രുമെന്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്. ഒക്ടോബർ 18 ഞായറാഴ്ചയാണ് ഇത്തവണ പൂജവെയ്പ്പ്. ഒക്ടോബർ 20 ചൊവ്വാഴ്ച മഹാനവമി അവധിയും ഒക്ടോബർ 21 ബുധനാഴ്ച വിജയദശമി അവധിയുമാണ്. ഇതോടെ തുടർച്ചയായി നാല് ദിവസമാണ് അവധി ലഭിക്കുന്നത്.