കാലിക്കറ്റ് സർവകലാശാലയിലെ കോളേജ് യൂണിയൻ തെരഞ്ഞെടുപ്പുകളിൽ എസ്എഫ്ഐക്ക് മിന്നും വിജയം

.

കാലിക്കറ്റ് സർവകലാശാലയിലെ കോളേജ് യൂണിയൻ തെരഞ്ഞെടുപ്പുകളിൽ എസ്എഫ്ഐക്ക് മിന്നും വിജയം. യുഡിഎസ്എഫിൽ നിന്നും എംഎസ്എഫിൽ നിന്നും നിരവധി കോളേജുകൾ തിരിച്ചുപിടിച്ച് എസ്എഫ്ഐ. പൊന്നാനി എംഇഎസ് കോളേജും മലപ്പുറം ഫാത്തിമാ കോളേജും യുഡിഎസ്എഫിൽ നിന്നും എസ്എഫ്ഐ തിരിച്ചുപിടിച്ചു. 6 വർഷങ്ങൾക്കു ശേഷം എംഎസ്എഫിൽ നിന്ന് വളാഞ്ചേരി സിപിഎ കോളേജും 2 വർഷങ്ങൾക്ക് ശേഷം കെഎസ്‍യുവിൽ നിന്ന് വയനാട് പഴശ്ശിരാജ കോളേജും പിടിച്ചെടുത്തു.

4 വർഷങ്ങൾക്കു ശേഷം യുഡിഎസ്എഫിന് വളാഞ്ചേരി ലുമിനസ് കോളേജ് നഷ്ടമായി. ലുമിനസ് കോളേജിലും എസ്എഫ്ഐ തേരോട്ടം. നിലമ്പൂർ ഗവ. കോളേജിൽ മുഴുവൻ സീറ്റും നേടി യൂണിയൻ എസ്എഫ്ഐ തിരിച്ചുപിടിച്ചു. താമരശ്ശേരി ഐഎച്ച്ആർഡി കോളേജ്, കോഴിക്കോട് ഗുരുവായൂരൂപ്പൻ കോളേജ് എന്നിവയും തിരിച്ചുപിടിച്ചു.

ചരിത്രത്തിൽ ആദ്യമായാണ് ​ഗുരുവായൂരപ്പൻ കോളേജിൽ ഒരു വിദ്യാർത്ഥി സംഘടനയ്ക്ക് സമ്പൂർണ വിജയം. അതേസമയം, മലപ്പുറം അൽഷിഫാ കോളേജും എസ്എഫ്ഐ പിടിച്ചെടുത്തു. മഞ്ചേരി എൻഎസ്എസ് കോളേജിലും എസ്എഫ്ഐക്ക് വിജയം. കഴിഞ്ഞ കേരളാ സർവകലാശാല, എംജി സർവകലാശാല തെരെഞ്ഞെടുപ്പിലും എസ്എഫ്ഐ ഉജ്വല വിജയമാണ് നേടിയത്.