മോദിയുടെ സത്യപ്രതിജ്ഞാ ചടങ്ങില് ഡിഎംകെ എംപിമാര് പങ്കെടുക്കില്ല
ഡല്ഹി: നരേന്ദ്ര മോദിയുടെ നേതൃത്വത്തിലുള്ള രണ്ടാം എന്ഡിഎ സര്ക്കാരിന്റെ സത്യപ്രതിജ്ഞാ ചടങ്ങ് ഡിഎംകെ എംപിമാര് ബഹിഷ്കരിക്കും. പാര്ട്ടി അധ്യക്ഷന് എം.കെ. സ്റ്റാലിനെ ക്ഷണിക്കാത്തതില് പ്രതിഷേധിച്ചാണ് തീരുമാനം.
ലോക്സഭാ തെരഞ്ഞെടുപ്പിലെ ഏറ്റവും വലിയ മൂന്നാം കക്ഷിയായിട്ടും ഡിഎംകെ അധ്യക്ഷനെ ഒഴിവാക്കിയത് തമിഴ്നാടിനെ തഴയുന്നതിന് തുല്യമെന്നും എംപിമാര് പറഞ്ഞു. ലോക്സഭയിലേക്ക് 23 എംപിമാരാണ് ഡിഎംകെയ്ക്കായി വിജയിച്ചിരുന്നത്.