കെ ഫോണിന്റെ നിയോജക മണ്ഡലംതല ഉദ്ഘാടനം കൊയിലാണ്ടിയിൽ നടന്നു
കൊയിലാണ്ടി: കേരളത്തിന്റെ സ്വപ്ന പദ്ധതിയായ കെ ഫോണിന്റെ കൊയിലാണ്ടി നിയോജക മണ്ഡലതല ഉദ്ഘാടന പരിപാടി വരകുന്ന് ഗവ: ഐ.ടി. ഐ.യിൽ എം എൽ എ കാനത്തിൽ ജമീല ഉദ്ഘാടനം ചെയ്തു. നഗരസഭ ചെയർപേഴ്സൺ സുധ കിഴക്കെപ്പാട്ട് അധ്യക്ഷതവഹിച്ചു. സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ തിരുവനന്തപുരത്ത് നടത്തി. പരിപാടിയുടെ ലൈവ് ടെലിക്കാസ്റ്റോടുകൂടിയാണ് കൊയിലാണ്ടിയിലും ഉദ്ഘാടന ചടങ്ങ് സംഘടിപ്പിച്ചത്.
പന്തലായനി ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ്, നഗരസഭ വൈസ് ചെയർമാൻ അഡ്വ: കെ സത്യൻ, നഗരസഭ സ്റ്റാൻ്റിംഗ് കമ്മിറ്റി അധ്യക്ഷൻമാരായ കെ എ ഇന്ദിര, കെ ഷിജു, ഇ കെ അജിത്ത്, പ്രജില സി, നിജില പറവക്കൊടി, കൗൺസിലർ സിറാജ് വി എം, അഡ്വ: എസ് സുനിൽ മോഹനൻ എന്നിവർ സംസാരിച്ചു. പന്തലായനി വില്ലേജ് ഓഫീസർ ജയൻ വരിക്കോളി സ്വാഗതവും നഗരസഭ സെക്രട്ടറി ഇൻ ചാർജ്ജ് കെ.കെ. ബീന നന്ദിയും പറഞ്ഞു.
