മഴക്കാല പൂർവ ശുചീകരണ പ്രവർത്തനങ്ങൾക്ക് രാമനാട്ടുകരയിൽ തുടക്കമായി
രാമനാട്ടുകര: മഴക്കാല പൂർവ ശുചീകരണ പ്രവർത്തനങ്ങൾക്ക് രാമനാട്ടുകര നഗരസഭയിൽ തുടക്കമായി. കേരള വ്യാപാരി വ്യവസായി ഏകോപന സമിതി രാമനാട്ടുകര യൂണിറ്റുമായി സഹകരിച്ചാണ് ശുചീകരണം . ബസ് സ്റ്റാൻഡ് പരിസരത്ത് നഗരസഭാ ചെയർമാൻ വാഴയിൽ ബാലകൃഷ്‌ണൻ ഉദ്ഘാടനം ചെയ്തു. വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് അലി.പി.ബാവ അദ്ധ്യക്ഷത വഹിച്ചു.
സ്ഥിരം സമിതി ചെയർമാൻമാരായ മണ്ണൊടി രാംദാസ്, ഷംസുദ്ദീൻ, കൗൺസിലർമാരായ വി.എം.പുഷ്പ, കള്ളിയിൽ റഫീഖ്, വ്യാപാരി വ്യവസായി ഏകോപന സമിതി യൂണിറ്റ് സെക്രട്ടറി പി.എം.അജ്മൽ, അസ്‌ലം പാണ്ടികശാല, കെ.കെ. ശിവദാസ്, കെ.സലിം, ദേവൻ. സി, നാസർ സി.കെ, ഇ.ഉണ്ണികൃഷ്‌ണൻ, സത്യപാലൻ, കെ.പി. റിയാസ്, സന്തോഷ് കുമാർ, എം.കെ. ഷമീർ, പി.പി. ബഷീർ എന്നിവർ നേതൃത്വം നൽകി.
