കടന്നല്‍ കുത്തേറ്റു മരിച്ചു
കണ്ണൂര്‍: റബര്‍മരം മുറിക്കുന്നതിനിടെ തൊഴിലാളി കടന്നല്‍ക്കുത്തേറ്റു മരിച്ചു. മുടക്കോഴി മൗവ്വഞ്ചേരി സ്വദേശി ബാബുവാണു മരിച്ചത്.
കണ്ണൂര്‍ മുഴക്കുന്നില്‍ ചൊവ്വാഴ്ച രാവിലെയാണു സംഭവം. സ്വകാര്യവ്യക്തിയുടെ സ്ഥലത്തു റബര്‍മരം മുറിക്കുന്നതിനിടെ ഇളകിവന്ന കടന്നലുകള്‍ ബാബുവിനെയും ഒപ്പം ജോലി ചെയ്തിരുന്നവരെയും കുത്തുകയായിരുന്നു. കുത്തേറ്റ് അവശനിലയിലായ ബാബുവിനെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
