കർശന നിർദേശങ്ങളോടെ ജലഗതാഗതത്തിന്‌ അനുമതി

കോഴിക്കോട്‌: താനൂർ ബോട്ടപകടത്തിന്റെ പശ്ചാത്തലത്തിൽ വിനോദസഞ്ചാര കേന്ദ്രങ്ങളിൽ ജലയാത്രകൾക്ക്‌ ഏർപ്പെടുത്തിയ വിലക്ക്‌ നീക്കി. കർശന നിയന്ത്രണങ്ങളോടെയാണ്‌ അനുമതി നൽകിയത്‌. കടലുണ്ടിയിൽ തോണിയാത്രയും കക്കയത്ത്‌ ബോട്ട്‌ സർവീസും പുനരാരംഭിച്ചു. സരോവരത്ത്‌ പെഡൽ ബോട്ട്‌ സർവീസിന്‌ ജലസേചന വകുപ്പിന്റെ അംഗീകാരത്തിനായി അപേക്ഷ സമർപ്പിച്ചിട്ടുണ്ട്‌.

സുരക്ഷ ഉറപ്പാക്കിയാണ് കടലുണ്ടി വള്ളിക്കുന്ന് കമ്യൂണിറ്റി റിസർവിലെ തോണിയാത്ര പുനരാരംഭിച്ചത്. ഇരുപതോളം തോണികളാണ്‌ ഇവിടെ സർവീസ് നടത്തുന്നത്. ചൊവ്വാഴ്‌ച  16 ട്രിപ്പ്‌ നടത്തി.