തെറ്റായ പ്രവർത്തനം നടത്തി പോലീസ് സേനയിൽ തുടരാമെന്ന് കരുതണ്ട: മുഖ്യമന്ത്രി
![](https://koyilandydiary.com/wp-content/uploads/2023/05/39-2-1024x943.jpg)
തൃശൂര്: സമൂഹത്തിന് ചേരാത്ത കാര്യങ്ങള് ചെയ്തും ഔദ്യോഗിക ജീവിതത്തില് തുടരാമെന്ന് കരുതുന്ന ചില പൊലീസുകാരുണ്ടെന്നും അവര്ക്കെതിരെ കര്ശന നടപടി സ്വീകരിച്ചിട്ടുണ്ടെന്നും മുഖ്യമന്ത്രി പിണറായി വിജയന്. തെറ്റു ചെയ്യുന്നവര്ക്കെതിരെ ശക്തമായ നടപടിയുണ്ടാകുമെന്നും മുഖ്യമന്ത്രി മുന്നറിയിപ്പ് നല്കി. തൃശൂര് റൂറല് ജില്ലാ പൊലീസ് ആസ്ഥാന മന്ദിരത്തിന്റെ ഉദ്ഘാടനം നിര്വഹിച്ച് സംസാരിക്കുകയായിരുന്നു മുഖ്യമന്ത്രി.
![](https://koyilandydiary.com/wp-content/uploads/2022/09/IMG-20240611-WA0019.jpg)
നിയമപരിപാലനത്തിന്റെ പ്രശ്നം വരുമ്പോള് ഒരു വിട്ടുവീഴ്ചയും വരുത്തേണ്ടിതില്ല. ഒരു ബാഹ്യ ഇടപെടലും പൊലീസിന്റെ പ്രവര്ത്തനത്തിന് തടസമാകില്ല. പൊലീസ് ജനങ്ങളുമായി ഇഴുകിചേര്ന്ന് പ്രവര്ത്തിക്കുന്ന സേനയാണ്. അടുത്തകാലത്ത് നാട്ടില് തെളിയിക്കപ്പെട്ട കേസുകള് പരിശോധിച്ചാല് സമര്ത്ഥമായും ശാസ്ത്രീയമായും തെളിയിച്ചിക്കപ്പെട്ടു. മികച്ച വിദ്യാഭ്യാസ യോഗ്യതയുള്ളവരാണ് സേനയില് കൂടുതല് വരുന്നത്. ഇത് സേനയ്ക്ക് പുതിയ മുഖം നല്കുന്നുണ്ടെന്നും മുഖ്യമന്ത്രി പറഞ്ഞു.
![](https://koyilandydiary.com/wp-content/uploads/2022/09/IMG-20240611-WA0019.jpg)
![](https://koyilandydiary.com/wp-content/uploads/2022/09/SPECIALITY-AD-WIDE-1024x302-1.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)