കണ്ണൂരിലെ മാവോയിസ്റ്റുകളുടെ പ്രകടനം. യുഎപിഎ ചുമത്തി കേസെടുത്തു
കണ്ണൂരിലെ മാവോയിസ്റ്റുകളുടെ പ്രകടനം. യുഎപിഎ ചുമത്തി കേസെടുത്തു. കേരള – കർണാടക വനാതിർത്തികൾ കേന്ദ്രീകരിച്ച് പ്രകടനം നടത്തിയത് സി. പി മൊയ്തീന്റെ നേതൃത്വത്തിലുള്ള 5 അംഗ സംഘമെന്ന് സ്ഥിരീകരിച്ചു. ഇതേ സംഘമാണ് ആറളം കീർപള്ളിയിലും, അയ്യൻകുന്ന് ഇടപ്പുഴയിലും എത്തിയതെന്നും കണ്ടെത്തി. കേരള-കർണാടക വനാതിർത്തികൾ കേന്ദ്രീകരിച്ച് മാവോയിസ്റ്റ് സംഘം ഒളിവിൽ കഴിയുന്നുണ്ടെന്നാണ് നിഗമനം.
രണ്ട് ദിവസം മുമ്പാണ് അയ്യൻകുന്ന് വാളത്തോട് ടൗണിൽ മാവോയിസ്റ്റ് പ്രകടനം നടന്നത്. സായുധരായ മാവോയിസ്റ്റ് സംഘമാണ് പ്രകടനം നടത്തിയത്. ഒരു വനിത ഉൾപ്പെടെ അഞ്ച് സംഘാംഗങ്ങളുണ്ടായിരുന്നതായാണ് അറിയാൻ കഴിയുന്നത്. തോക്കേന്തി പ്രകടനം നടത്തിയ ഇവർ അര മണിക്കൂറോളം ടൗണിൽ തങ്ങിയ ശേഷം മടങ്ങി.
Advertisements
ലഘുലേഖകളും സംഘം വിതരണം ചെയ്തു. മുഖ്യമന്ത്രി പിണറായി വിജയൻ, പ്രധാനമന്ത്രി എന്നിവരെക്കുറിച്ച് പ്രതിപാദിക്കുന്ന ലഘുലേഖകളും വിതരണം ചെയ്തവയിൽപ്പെടുന്നു.‘ലോക ബാങ്ക് നിർദേശാനുസരണം റേഷൻ നിർത്തലാക്കുന്ന മോദി- രാജ്യദ്രോഹികളെ തിരിച്ചറിയുക’, എന്നതടക്കം ഉള്ളടക്കമുള്ള ലഘുലേഖകളാണ് സംഘം വിതരണം ചെയ്തത്.
വനമേഖലയോട് ചേർന്ന് കിടക്കുന്ന വാളത്തോട് ടൗണിൽ നേരത്തെയും സായുധരായ മാവോയിസ്റ്റ് സംഘം പ്രത്യക്ഷപ്പെട്ടിരുന്നു. വനാതിർത്തി വഴിയാണ് മാവോയിസ്റ്റുകൾ എത്തിയത് എന്നാണ് വിലയിരുത്തുന്നത്. മാവോയിസ്റ്റ്സാ ന്നിദ്ധ്യത്തിന് പിന്നാലെ തണ്ടർബോൾട്ട് കമാന്റോ സംഘം അടക്കം സ്ഥലത്തെത്തി പരിശോധന നടത്തിയിരുന്നു.
