ഓടുന്ന കാറിന് മുകളില്‍ മരം വീണു
കോഴിക്കോട്: ഓടുന്ന കാറിന് മുകളില്‍ മരം വീണു. യാത്രക്കാർ അത്ഭുതകരമായി രക്ഷപ്പെട്ടു. സ്റ്റേഡിയത്തിന്‌ സമീപം റാം മനോഹർ റോഡിൽ ക്രൈംബ്രാഞ്ച് ഉത്തരമേഖല ഐജി ഓഫീസിന് എതിർവശത്ത്‌ വ്യാഴാഴ്ച പകൽ 3.30നാണ്‌ അപകടം.
Advertisements
പാളയം ഭാഗത്തുനിന്ന് മാവൂർ റോഡിലേക്ക് വരികയായിരുന്ന ചേവായൂർ സഹകരണ ബാങ്ക്‌ പ്രസിഡണ്ട് ജി സി പ്രശാന്ത് കുമാർ, ഡ്രൈവർ പ്രജിത് എന്നിവർ സഞ്ചരിച്ച ഇന്നോവ കാറാണ് തകർന്നത്. ബീച്ച് അഗ്നിരക്ഷാനിലയത്തിലെ സ്റ്റേഷൻ ഓഫീസർ അരുണിൻറെ നേതൃത്വത്തിലുള്ള സംഘമെത്തി മൂന്ന് മണിക്കൂറോളം ശ്രമിച്ച് മരം മുറിച്ചുമാറ്റി. ഇത്രയും നേരം പാളയം ഭാഗമുൾപ്പെടെ ഗതാഗതം സ്തംഭിച്ചു.
