കോട്ടയത്ത് കോണ്ക്രീറ്റ് മിക്സിങ്ങ് ലോറി വീട്ടിന് മുകളിലേക്ക് മറിഞ്ഞു
കോട്ടയം: പനച്ചിക്കാട് കോണ്ക്രീറ്റ് മിക്സിങ്ങ് ലോറി വീട്ടിന് മുകളിലേക്ക് മറിഞ്ഞു.വീട്ടുകാര് പള്ളിയില് പോയതിനാല് വലിയ ദുരന്തമാണ് ഒഴിവായത്. അപകടത്തില് ആര്ക്കും പരിക്കില്ല. ലോറി മറിഞ്ഞതിനെ തുടര്ന്ന് തുണ്ടയില് കുഞ്ഞുമോന്റെ വീടിന്റെ ഒരു ഭാഗം തകര്ന്നു.
ലോറിയില് ഇതര സംസ്ഥാനക്കാരായ രണ്ടുപേരാണ് ഉണ്ടായിരുന്നത്. ലോറി മറിയുന്നതുകണ്ട് അവര് ചാടി രക്ഷപ്പെടുകയായിരുന്നു. അപകടത്തില് വീടിന്റെ ഒരുഭാഗം പൂര്ണമായി തകര്ന്നു.
ഇന്ന് രാവിലെ പത്തുമണിയോടെയാണ് അപകടം ഉണ്ടായത്. അയ്മാന് കവലയ്ക്ക് സമീപമാണ് അപകടം. കോണ്ക്രീറ്റ് മിക്സിങ് യൂണിറ്റുമായി വന്ന ലോറിയാണ് അപകടത്തില്പ്പെട്ടത്. ലോറി മാറ്റാനുള്ള നടപടികള് ആരംഭിച്ചിട്ടുണ്ട്.
Advertisements