ട്രാന്‍സ്‌ജെന്‍ഡറായതിന്റെ പേരില്‍ ശീതള്‍ ശ്യാമിനെ ലോഡ്ജില്‍ നിന്ന് അപമാനിച്ച്‌ ഇറക്കിവിട്ടു
കോഴിക്കോട്: ട്രാന്‍സ്‌ജെന്‍ഡറായതിന്റെ പേരില്‍ ശീതള്‍ ശ്യാമിനെ ലോഡ്ജില്‍ നിന്ന് അപമാനിച്ച്‌ ഇറക്കിവിട്ടു. കോഴിക്കോട് വടകരയിലെ സ്വാകര്യ ലോഡ്ജിലാണ് ശീതളിന് റൂം നിഷേധിച്ചത്. ഇതിനെ തുടര്‍ന്ന് ഡിവൈഎഫ്ഐ പ്രവര്‍ത്തകര്‍ സംഭവസ്ഥലത്തെത്തി പ്രതിഷേധിച്ചു. പ്രതിഷേധത്തെ തുടര്‍ന്ന് ലോഡ്ജ് ഉടമയെ പൊലീസ് അറസ്റ്റ് ചെയ്‌തു.
ഇന്ന് രാവിലെ ഏഴുമണിയോടു കൂടിയായിരുന്നു സംഭവം. പേരാമ്ബ്ര മൊകേരി ഗവണ്മെന്റ് കോളേജ് യൂണിയന്‍ ഉദ്ഘാടനത്തിനെത്തിയതായിരുന്നു ശീതള്‍. നിങ്ങളെ പോലുള്ളവര്‍ക്ക് റൂം നല്‍കാനാകില്ലെന്ന് പറഞ്ഞ് ലോഡ്ജ് ഉടമ അപമാനിച്ചുവെന്ന് ശീതള്‍ ശ്യാം പറഞ്ഞു.
