ഭക്ഷണത്തിൽ പുഴുവിനെ കണ്ടെത്തിയ സംഭവം; പരാതി നൽകിയത് കോൺഗ്രസ് പ്രവർത്തകനായ അധ്യാപകൻ
.
കോഴിക്കോട്: കായിക മേളയിൽ മത്സരാർത്ഥികൾക്ക് നൽകിയ ഭക്ഷണത്തിൽ പുഴുവിനെ കണ്ടെത്തിയത് കോൺഗ്രസ് പ്രവർത്തകനായ അധ്യാപകൻ. പെരുമ്പാവൂർ സ്‌കൂളിലെ അധ്യാപകൻ ജിജോ ജെയിംസാണ് ഭക്ഷണത്തിൽ പുഴുവിനെ കണ്ടതായി പരാതിപ്പെട്ടത്. ജിജോ ജെയിംസ് വേങ്ങൂർ പഞ്ചായത്ത് തെരഞ്ഞെടുപ്പിൽ കോൺഗ്രസ് സ്ഥാനാർത്ഥിയായി മത്സരിച്ചിരുന്നു.
ഇയാൾ കോൺഗ്രസിന്റെ സജീവ പ്രവർത്തകനാണ്. കഴിഞ്ഞ ദിവസം പുഴുവിനെ കണ്ടെത്തിയ വാർത്ത പുറത്തു വന്നപ്പോൾ പലതരത്തിലുള്ള വ്യാജപ്രചാരണങ്ങൾ നടന്നിരുന്നു. ഭക്ഷണത്തിൽ പുഴുവിനെ കൊണ്ടിട്ടത് സഖാവാണെന്ന തരത്തിലുള്ള ആരോപണങ്ങൾ പുറത്തുവന്നിരുന്നു.
