ഏഷ്യൻ ഗെയിംസ്: ഗുസ്തിയിൽ ഇന്ത്യയ്ക്ക് വേണ്ടി സ്വർണം നേടി അമൻ സെഹ്‌റാവത്ത്
.
ഏഷ്യൻ ഗെയിംസിൽ സ്വർണം വാരിക്കൂട്ടി മുന്നേറുകയാണ് ഇന്ത്യ. 57 കിലോ വിഭാഗം ഗുസ്തിയിലാണ് ഇന്ത്യയുടെ ഏറ്റവും പുതിയ സ്വർണ നേട്ടം. പാരിസ് ഒളിമ്പിക്സിൽ വെങ്കല മെഡ‍ൽ ജേതാവായ അമൻ സെഹ്‌റാവത്തിയാണ് എഷ്യൻ ഗെയിംസിൽ ഇന്ത്യയ്ക്ക് വേണ്ടി സ്വർണ നേടിയിരിക്കുന്നത്.
ഫൈനലിൽ നിലവിലെ ലോക ചാമ്പ്യനായ ഉത്തര കൊറിയയുടെ ഹാൻ ചോങ്-സോങ്ങിനെ 11-7ന് പരാജയപ്പെടുത്തിയാണ് അമൻ തൻ്റെ ആദ്യത്തെ ഏഷ്യൻ ഗെയിംസ് സ്വർണം സ്വന്തമാക്കിയത്. ആദ്യ പകുതിയിൽ 4-1ന് മുന്നിലെത്തിയ അമൻ രണ്ടാം പകുതിയിലും തുടർച്ചയായ ആക്രമണങ്ങളിലൂടെ ലീഡ് നിലനിർത്തി. വായിൽ നിന്ന് രക്തശ്രാവവും കണ്ണിന് താഴെ ഗുരുതരമായി പരുക്കുമേറ്റായിരുന്നു താരം പോരാടിയത്.
അവസാന 30 സെക്കൻഡിൽ നേടിയ രണ്ട് പോയിന്റ് ത്രോയിലൂടെ 10-7ന് മുന്നിലെത്തിയ അമൻ, എതിരാളിയുടെ അവസാന ശ്രമങ്ങളും ചെറുത്ത് 11-7ന്റെ വിജയം ഉറപ്പാക്കുകയായിരുന്നു. ഫൈനലിലെത്തുന്നതിന് മുമ്പ് ജപ്പാന്റെ യമോട്ടോ ഒഗാവയെ 20-9 നും, കസാഖിസ്ഥാന്റെ നുർദനത് ഐതനോവിനെ 12-1 നും, താജിക്കിസ്ഥാന്റെ ഐയാൽ ബെലോല്യുബ്സ്കിയെ 14-8 നും തോൽപ്പിച്ചിരുന്നു.
