വർദ്ധിപ്പിച്ച കരണ്ട് ചാർജ് പിൻവലിക്കണം: എ.എ.പി കൊയിലാണ്ടി മണ്ഡലം സമ്മേളനം ആവശ്യപ്പെട്ടു
കൊയിലാണ്ടി: വർദ്ധിപ്പിച്ച കരണ്ട് ചാർജ് പിൻവലിക്കണമെന്ന് ആം ആദ്മി പാർട്ടി കൊയിലാണ്ടി മണ്ഡലം സമ്മേളനം ആവശ്യപ്പെട്ടു. സംസ്ഥാന വൈസ് പ്രസിഡണ്ട് ഉണ്ണി മാസ്റ്റർ സമ്മേളനം ഉദ്ഘാടനം ചെയ്തു. ആം ആദ്മി പാർട്ടി കോഴിക്കോട് ജില്ലാ പ്രസിഡണ്ട് അഭിലാഷ് കോഴിക്കോട് അധ്യക്ഷതവഹിച്ചു.
2023-24 വർഷത്തെ പുതിയ മണ്ഡലം കമ്മിറ്റി ഭാരവാഹികളായി സയ്യിദ് സാലിഹ് പയ്യോളി (പ്രസിഡണ്ട്), പ്രദീപ് കൊയിലാണ്ടി (സെക്രട്ടറി), റിയാസ് അബൂബക്കർ (ട്രഷറർ) എന്നിവരെ തിരഞ്ഞെടുത്തു. പരിപാടിയിൽ ഷമീർ പയ്യോളി സ്വാഗതവും ഉണ്ണികൃഷ്ണൻ പുക്കാട് നന്ദിയും പറഞ്ഞു.
