സർക്കാറിൻ്റെ മദ്യനയം പുനപരിശോധിക്കണം

കൊയിലാണ്ടി : സർക്കാറിൻ്റെ മദ്യനയം പുനപരിശോധിക്കണമെന്നാവശ്യപ്പെട്ട് ലഹരി നിർമാർജ്ജന സമിതി കൊയിലാണ്ടി നിയോജക മണ്ഡലം കമ്മിറ്റി ആഭിമുഖ്യത്തിൽ മുഖ്യമന്ത്രിക്ക് കത്തയച്ചു. കൊയിലാണ്ടി പോസ്റ്റാഫീസിന് സമീപം നടന്ന ചടങ്ങ് ഇബിച്ചി മമ്മു ഹാജി ഉദ്ഘാടനം ചെയ്തു. ലത്തീഫ് കവലാട് അധ്യക്ഷനായി. കൗൺസിലർ എ. അസീസ് മുഖ്യ പ്രഭാഷണം നടത്തി . എൽ.എൻ.എസ്.സംസ്ഥാന സെക്രട്ടറി ഹുസ്സൈൻ കമ്മന, റഷീദ് മണ്ടോളി, സുകുമാർ മാസ്റ്റർ, അൻസാർ കൊല്ലം, ശിവദാസൻ മാസ്റ്റർ, പി. പി നാസർ, സെറീന അഹല എന്നിവര് സംസാരിച്ചു.