മരുഭൂമി സഫാരിക്കിടെ വാഹനം മറിഞ്ഞ് രണ്ട് പെരിന്തല്മണ്ണ സ്വദേശികള് മരിച്ചു
ഷാര്ജ: ഷാര്ജയില് മരുഭൂമി സഫാരിക്കിടെ (ഡെസേര്ട്ട് ഡ്രൈവ്) വാഹനം മറിഞ്ഞ് രണ്ടു മലയാളികള് മരിച്ചു. പെരിന്തല്മണ്ണ സ്വദേശി ഷബാബ്, തേഞ്ഞിപ്പലം സ്വദേശി നിസാം എന്നിവരാണ് മരിച്ചത്. മറ്റ് രണ്ടുപേര് അപകടത്തില് നിന്ന് രക്ഷപെട്ടു.
മദാമിനടുത്തായിരുന്നു അപകടം. റിയാദില് നിന്ന് സന്ദര്ശക വിസയിലാണ് നിസാം യുഎഇയിലെത്തിയത്.
പെരിന്തല്മണ്ണ കക്കൂത്ത് കിഴിശ്ശേരി ബീരാന്കുട്ടിയുടെയും ഫാത്തിമയുടെയും മകനാണ് ഷബാബ് (38). ഭാര്യ: ഫാത്തിമ നംറീന. വാഹനം വാടകക്ക് എടുത്താണ് ഇവര് പോയിരുന്നത്. വാഹനമോടിച്ചിരുന്ന ഹാറൂണിനും കൂട്ടുകാരന് റിഗോ തോമസിനും ചെറിയ പരിക്കേറ്റു.