മലപ്പുറത്ത് വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന രണ്ടു കുട്ടികള്ക്ക് സൂര്യാഘാതമേറ്റു
.
മലപ്പുറം: വളാഞ്ചേരിയില് വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന രണ്ടു കുട്ടികള്ക്ക് സൂര്യാഘാതമേറ്റു. പൈങ്കണ്ണൂര് നിരപ്പില് തെങ്ങുംതോട്ടത്തില് പ്രമോദ് – ഷാനില ദമ്പതികളുടെ കുട്ടികള്ക്കാണ് പൊള്ളലേറ്റത്. കഴിഞ്ഞ ചൊവ്വാഴ്ചയാണ് സംഭവം. വീടിനു ചേര്ന്നുള്ള പറമ്പില് കളിച്ചുകൊണ്ടിരിക്കുകയായിരുന്നു കുട്ടികള്. മൂന്നു വയസ്സുകാരന്റെ കൈകള്ക്കും നെഞ്ചിനും പുറംഭാഗത്തുമാണ് പൊള്ളലേറ്റത്.
അഞ്ചു വയസ്സുകാരന്റെ കൈകള്ക്കും പൊള്ളലുണ്ട്. ചൊവ്വാഴ്ച വൈകുന്നേരത്തോടെ കുട്ടികളുടെ ശരീരത്തില് ചെറിയ കുമിളകള് പ്രത്യക്ഷപ്പെട്ടിരുന്നു. ബുധനാഴ്ചയോടെ ഇവ വലുതായി വന്നതിനെ തുടര്ന്ന് ആശുപത്രിയില് പ്രവേശിപ്പിച്ചു. നിലവില് കുട്ടികളുടെ ആരോഗ്യനില തൃപ്തികരമാണ്.
