പയ്യോളിയിൽ വടിവാൾ ഉപേക്ഷിക്കപ്പെട്ട നിലയിൽ
പയ്യോളിയിൽ വടിവാൾ ഉപേക്ഷിക്കപ്പെട്ട നിലയിൽ. നഗരസഭയിലെ തീരദേശ മേഖലയായ ഭജനമഠം യു.പി സ്കൂളിനു സമീപത്താണ് വടിവാൾ കണ്ടെത്തിയത്. സ്കൂളിൻ്റെ തെക്കുഭാഗത്തുള്ള ചുറ്റുമതിനോട് ചേർന്ന പൊതുവഴി വൃത്തിയാക്കുന്നതിനിടയിലാണ് പഴകിയ തുരുമ്പിച്ച വാൾ കണ്ടെത്തിയത്. വാളിന് 72 സെൻ്റീമീറ്റർ നീളവും 4 സെൻ്റീമീറ്റർ വീതിയുണ്ട്. പയ്യോളി എസ്.ഐ കെ. ടി. രാജേഷ്, എ. എസ്. ഐ എം. എ. കിഷോർ കുമാർ എന്നിവർ സ്ഥലത്തെത്തി വാൾ കസ്റ്റഡിയിലെടുത്ത് സ്റ്റേഷനിലേക്ക് മാറ്റിയിട്ടുണ്ട്.