ബൈക്ക് മോഷണക്കേസില്‍ തമിഴ്നാട് സ്വദേശി അറസ്റ്റില്‍
കോഴിക്കോട്: ബൈക്ക് മോഷണക്കേസില്‍ തമിഴ്നാട് സ്വദേശി അറസ്റ്റില്‍. കൊലൂര്‍ മാരിയമ്മന്‍ കോവിലിനു സമീപം താമസിക്കുന്ന പരമശിവം ആദിമൂലത്തെയാണ് ടൗണ്‍ പോലീസ് അറസ്റ്റുചെയ്തത്.
തമിഴ്നാട്ടില്‍ നിന്നും ട്രെയിനില്‍ രാത്രി നഗരത്തിലെത്തുന്ന ഇയാള്‍ റെയില്‍വേ സ്റ്റേഷന്‍ പരിസരം, ആനിഹാള്‍ റോഡ്, പാളയം എന്നിവിടങ്ങളില്‍ കറങ്ങി നടന്നാണ് വാഹനങ്ങള്‍ കവരുന്നത്. ഇത് കൂടാതെ നിരവധി ബൈക്കുകള്‍ മോഷ്ടിച്ചിട്ടുണ്ടെന്ന് പ്രതി കുറ്റസമ്മതം നടത്തിയതായി പോലീസ് പറഞ്ഞു.
