ലോകകപ്പ് വിജയത്തിന് പിന്നാലെ ഫിഫ റാങ്കിങ്ങിൽ ഒന്നാമതെത്തി സ്പെയിൻ

.

ഫിഫ ലോകകപ്പ് കിരീടം സ്വന്തമാക്കിയതിന് പിന്നാലെ ഫിഫ റാങ്കിങ്ങിലും അർജന്റീനയെ പിന്നിലാക്കി സ്പെയിൻ. ലോകകപ്പ് ഫൈനലിൽ അർജന്റീനയെ പരാജയപ്പെടുത്തിയതിനു പിന്നാലെയാണ് ടീം റാങ്കിങ്ങിലും ഒന്നാം സ്ഥാനക്കാരായത്. ഇതോടെ അർജന്റീന രണ്ടാം റാങ്കിലേക്ക് വീണു. സെമിഫൈനലിസ്റ്റുകളായ ഫ്രാൻസിനാണ് മൂന്നാം സ്ഥാനം.അതേസമയം ഫ്രാൻസിനെ തോല്പിച്ച് ലോകകപ്പിൽ മൂന്നാം സ്ഥാനം നേടിയ ഇംഗ്ലണ്ട് റാങ്കിങ്ങിൽ നാലാമതാണ്.

 റാങ്കിങ്ങിൽ അഞ്ചാമത് മുൻ ചാമ്പ്യന്മാരായ ബ്രസീൽ ആണ്. ആഫ്രിക്കൻ കരുത്തരായ മൊറോക്കോ അവരുടെ എക്കാലത്തെയും ഏറ്റവും ഉയർന്ന റാങ്കായ ആറാം സ്ഥാനത്തേക്ക് കുതിച്ചെത്തി. ക്വാർട്ടർ ഫൈനലിലേക്ക് യോഗ്യത നേടാതെ ലോകകപ്പിൽ നിന്നും  പുറത്തായ പോർച്ചുഗലിന്റെ റാങ്ക് ഏഴിലേക്ക് താഴ്ന്നു. ബെൽജിയം എട്ടാം സ്ഥാനത്തും നെതർലൻഡ്സ് ഒൻപതാം സ്ഥാനത്തുമാണ്. മെക്‌സിക്കോ പത്താം സ്ഥാനത്തെത്തിയപ്പോൾ കരുത്തരായ ജർമനിക്കും ക്രൊയേഷ്യയ്ക്കും ആദ്യ പത്തിൽ ഇടം നേടാനായില്ല.