കൊയിലാണ്ടി നഗരസഭ ഹിയറിങ് എയ്ഡ് വിതരണം ചെയ്തു

കൊയിലാണ്ടി നഗരസഭ 2024-25 വാർഷിക പദ്ധതി പ്രകാരം ഹിയറിങ് എയ്ഡ് വിതരണം ചെയ്തു. ഭിന്നശേഷിക്കാർക്കായി ക്യാമ്പ് നടത്തിയാണ് ഹിയറിങ് എയ്ഡ് ഉപകരണങ്ങൾ വിതരണം ചെയ്തത്. പരിപാടി നഗരസഭ ചെയർപേഴ്സൻ സുധ കിഴക്കെപാട്ട് ഉദ്ഘാടനം ചെയ്തു. ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ കെ ഷിജു മാസ്റ്റർ അദ്ധ്യക്ഷത വഹിച്ചു.

ഐസിഡിഎസ് സൂപ്പർവൈസർ റൂഫീല ടി കെ സ്വാഗതവും, ഷെബില കെ പദ്ധതി വിശദീകരണവും നടത്തി. പദ്ധതിയിൽ 18 ഗുണഭോക്താകൾക്ക് ഹിയറിങ് എയ്ഡ് വിതരണം ചെയ്തു. വാർഡ് കൗൺസിലർ ബിന്ദു പി.ബി. നന്ദി പറഞ്ഞു.