ലോൺ ലൈസൻസ് സബ്സിഡി മേള നടത്തി
കൊയിലാണ്ടി: ലോൺ ലൈസൻസ് സബ്സിഡി മേള നടത്തി. കേരള സർക്കാരിന്റെ സംരംഭക വർഷം 2.0 പദ്ധതിയുടെ ഭാഗമായി കൊയിലാണ്ടി നഗരസഭയുടെയും വ്യവസായ വാണിജ്യ വകുപ്പിന്റെയും സംയുക്താഭിമുഖ്യത്തിൽ ജനുവരി 10 ബുധനാഴ്ച ഇ.എം.എസ് ടൗൺഹാൾ കൊയിലാണ്ടിയിൽ വെച്ച് ലോൺ ലൈസൻസ് സബ്സിഡി മേള നഗരസഭാ ചെയർപേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു.
വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഇന്ദിര ടീച്ചർ അധ്യക്ഷത വഹിച്ചു. കൊയിലാണ്ടി നഗരസഭ സെക്രട്ടറി ഇന്ദു ശങ്കരി KAS, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ പ്രജില സി, കൗൺസിലർ വൈശാഖ് കെ കെ എന്നിവർ ആശംസ പ്രസംഗം നടത്തി. കേരള സർക്കാരിൻറെ മിഷൻ 1000 പദ്ധതിയിലേക്ക് തിരഞ്ഞെടുക്കപ്പെട്ട പെരുവട്ടൂരിലെ സ്റ്റീൽ ടെക്ക് എന്ന സ്ഥാപനത്തിന് നഗരസഭ ചെയർപേഴ്സൺ സുധ കിഴക്കെപ്പാട്ട് ലെറ്റർ കൈമാറി.
കേരള ബാങ്ക്, യൂണിയൻ ബാങ്ക് ഓഫ് ഇന്ത്യ എന്നീ ബാങ്കുകളുടെ പ്രതിനിധികൾ തങ്ങളുടെ ലോൺ സ്കീമുകളെക്കുറിച്ച് വിശദമായ ക്ലാസുകൾ നൽകി. ആകെ 60 പേർ പങ്കെടുത്ത ചടങ്ങിൽ FSSAI, UDYAM,KSWIFT, മുതലായ അനുമതി പത്രങ്ങളും PMEGP, PMFME, OFOE, KELS, MMG, നഗരസഭ വാർഷിക പദ്ധതി തുടങ്ങിയ വൈവിധ്യങ്ങളായ പദ്ധതികളിലൂടെയുള്ള ലോൺ അനുമതി പത്രം / അപേക്ഷകളും കൈമാറി. കൊയിലാണ്ടി നഗരസഭ എന്റർപ്രൈസ് ഡെവലപ്മെൻറ് എക്സിക്യൂട്ടീവ്മാരായ അശ്വിൻ പി.കെ, ഐശ്വര്യ സി.പി, ഗോപിക സന്തോഷ് തുടങ്ങിയവർ സംബന്ധിച്ചു. അസി. ജില്ലാ വ്യവസായ ഓഫീസർ ഷിബിൻ കെ സ്വാഗതവും വ്യവസായ വികസന ഓഫീസർ നിജീഷ് ആർ നന്ദിയും പറഞ്ഞു.
