ഹോമിയോ മെഡിക്കൽ കോളേജ് പ്രിൻസിപ്പൽ ഗീതാ ജോസിന് യാത്രയയപ്പ് നൽകി
കോഴിക്കോട് ഗവ. ഹോമിയോ മെഡിക്കൽ കോളേജ് പ്രിൻസിപ്പൽ ഗീത ജോസിന് ആശുപത്രി വികസന സമിതിയുടെ ആഭിമുഖ്യത്തിൽ യാത്രയയപ്പ് നൽകി. 32 വർഷത്തെ സേവനത്തിനിടയിൽ ഗീതാ ജോസ് മുൻകൈ എടുത്താണ് ”താലോലം” വന്ധ്യതാ നിവാരണ പദ്ധതി ആരംഭിച്ചത്.
ഈ പദ്ധതിയിലൂടെ കുഞ്ഞുങ്ങളെ ലഭിച്ച നൂറോളം മാതാപിതാക്കളുണ്ട്. യാത്രയയപ്പ് സമ്മേളനം സബ് ജഡ്ജ് എം. പി. ഷൈജൽ ഉദ്ഘാടനം ചെയ്തു. പ്രിൻസിപ്പൽ ഡോ. സനിൽകുമാർ. എംസി. അധ്യക്ഷത വഹിച്ചു. തുടർന്ന് ഡോ. ഗീതാ ജോസ് മറുപടി പ്രസംഗം നടത്തി.
എച്ച്.ഡി.സി. ഭരണ സമിതിയംഗവും ലോക കേരള സഭാംഗവുമായ പി.കെ. കബീർ സലാല, ബേബി വാസൻ (ഭരണ സമിതി അംഗങ്ങൾ), ഡോ. പി വി. അബ്ദുറഹിമാൻ, നിധീഷ്. കെ. പി, ഷിജുലാൽ, പിവി. മുജീബ് റഹ്‌മാൻ, മുഹമ്മദ് ഇക്ബാൽ,സുജ മേരി, ഡോ. പൂർണ്ണിമ, ഡോ. ജയന്ത്, കുഞ്ഞിരായിൻ എന്നിവർ സംസാരിച്ചു. ഡോ. റിതേഷ് സ്വാഗതവും ഡോ. സ്മിത മാധവൻ നന്ദിയും പറഞ്ഞു.
