KSRTC ബസ് കടയിലേക്ക് ഇടിച്ചു കയറി മുപ്പതോളം പേർക്ക് പരിക്ക്
തിരുവനന്തപുരം: ബാലരാമപുരം പള്ളിച്ചൽ പാരൂർക്കുഴിയിൽ KSRTC ബസ് കടയിലേക്ക് ഇടിച്ചു കയറി മുപ്പതോളം പേർക്ക് പരിക്ക്. തിരുവനന്തപുരത്തു നിന്ന് നാഗർകോവിലിലേക്ക് വരികയായിരുന്ന കെഎസ്ആർടിസി ബസ് കടയിലേയ്‌ക്ക് ഇടിച്ചു കയറുകയായിരുന്നു. കടയിൽ ആളുകൾ ഇല്ലാത്തതിനാൽ വൻ ദുരന്തം ഒഴിവായി. അപകടത്തിൽ 30 യാത്രക്കാർക്ക് പരുക്കേറ്റു. പരുക്കേറ്റ യാത്രക്കാരെ വിവിധ ആശുപത്രികളിൽ പ്രവേശിപ്പിച്ചു. ആരുടെയും നില ഗുരുതരമല്ല.
