വയോജനങ്ങൾക്ക് കട്ടിൽ വിതരണം ചെയ്തു

കൊയിലാണ്ടി: നഗരസഭയിലെ 2020- 2 1 വർഷത്തെ വയോജനങ്ങൾക്കുള്ള കട്ടിൽ വിതരണം നഗരസഭ ചെയർപേഴ്സൺ സുധ കിഴക്കെപ്പാട്ട് നിർവ്വഹിച്ചു. വൈസ് ചെയർമാൻ അഡ്വ കെ സത്യൻ അധ്യക്ഷത വഹിച്ചു. ഐസിഡിഎസ് സൂപ്പർ വൈസർ സി സബിത പദ്ധതി വിശദീകരണം നടത്തി. ക്ഷേമകാര്യ സ്റ്റാൻഡിങ്ങ് കമ്മറ്റി ചെയർമാൻ കെ ഷിജു സ്വാഗതം പറഞ്ഞു. വികസന സ്റ്റാൻഡിങ്ങ് കമ്മറ്റി ചെയർപേഴ്സൺ കെ എ ഇന്ദിര കൗൺസിലർമാരായ വി പി ഇബ്രാഹിം കുട്ടി, റഹ്മത്ത്, സുമേഷ്, ബിന്ദു, രമേശൻ വലിയാട്ടിൽ, രാജീവൻ, പുഷ്പ എന്നിവർ സംബന്ധിച്ചു.