വൃദ്ധയെ താങ്ങി പടിയിറക്കുന്ന ജില്ലാ കളക്ടറുടെ ചിത്രം വൈറലാകുന്നു
കൊല്ലം ജില്ലാ കളക്ടറെ കാണാന് എത്തിയ അവശതയുള്ള വൃദ്ധയെ താങ്ങി പടിയിറക്കിക്കുന്ന ജില്ലാ കളക്ടറുടെ ചിത്രവും ഇത് പകര്ത്തിയ മൃഗസംരക്ഷണ വകുപ്പ് പി.ആര്.ഒ ഡോക്ടര് ഷൈന്കുമാറിന്റെ ഫെയിസ്ബുക്ക് പോസ്റ്റ് വൈറലായി.
ഫെയ്സ്ബുക്ക് പോസ്റ്റിന്റെ പൂര്ണരൂപം
സങ്കടങ്ങള് കാണാന് കണ്ണുകളുണ്ടാവണം. ചേര്ത്തുപിടിക്കാന് കൈകളും അല്പം മുമ്പ് കൊല്ലം കളക്ടറേറ്റില് രണ്ടാം നിലയിലേയ്ക്ക് പടി കയറുമ്പോള് ഒരു ശബ്ദം. നിങ്ങളെപ്പോലുള്ള അമ്മമാര്ക്ക് കയറാനല്ലേ ഞാന് ലിഫ്റ്റ് വച്ചിരിക്കുന്നത്. നോക്കുമ്പോള് കളക്ടര് അബ്ദുള് നാസറാണ്.
മുകളിലേക്ക് കയറാന് പാടുപെടുന്ന ഒരമ്മയോട് സംസാരിക്കുകയാണ്. ഞാന് ശ്രദ്ധിച്ചു കളക്ടര് അടുത്ത് ചെന്ന് ആ അമ്മയെ കൈപിടിച്ച് ഇറക്കിക്കൊണ്ടുവരുന്നു താഴെ ലിഫ്റ്റിലേയ്ക്ക്.. എവിടെ പോകുന്നു.? അമ്മയോട് കളക്ടര്. കളക്ടറെ കാണാന് പോകുന്നു.
എന്നിട്ട് കണ്ടോ? ഇല്ല. എന്ന് അമ്മ . എങ്കില് ഞാനാണ് കളക്ടര് . നല്ലവണ്ണം കണ്ടോ . ആ അമ്മ വിതുമ്പുന്നുണ്ടായിരുന്നു. കരുതി വെച്ചിരുന്ന സങ്കടക്കണ്ണീരത്രയും ആ പടികള് ഏറ്റുവാങ്ങി… പൊതിരെ വിമര്ശിക്കുമ്പോഴും ബ്യൂറോക്രസിയിലെ ഈ നന്മകള് കാണാതിരുന്നുകൂടാ.
കളക്ടര് ബി.അബ്ദുള് നാസര് ജനാധിപത്യത്തിന്റെ കരുത്താണ്( ഈ ചിത്രം ഞാനെടുത്തപ്പോള് കളക്ടര് വിലക്കി. അതു് മറികടന്ന് ഇത് ഇവിടെ പോസ്റ്റ് ചെയ്യുന്നു )