മികച്ച വയോജന ക്ളബിനുള്ള മദർ തെരേസ പുരസ്കാരം പാറമല അൽഫോൺസ വയോജന ക്ലബിന്
കോടഞ്ചേരി: കോഴിക്കോട് ജില്ലയിലെ മികച്ച വയോജന ക്ളബിനുള്ള മദർ തെരേസ പുരസ്കാരം പാറമല അൽഫോൺസ വയോജന ക്ലബിന് ലഭിച്ചു. ചെന്നൈ മദർതെരേസ വെൽഫെയർ സൊസൈറ്റിയാണ് പുരസ്കാരം നല്കിയത്.
പാറമല ആംഗൻവാടിയിൽ നടന്ന ചടങ്ങിൽ പഞ്ചായത്ത് പ്രസിഡന്‍റ് അന്നക്കുട്ടി ദേവസ്യ ഉപഹാരം നല്കി. സ്ഥിരം സമിതി അധ്യക്ഷൻ കെ.എം ബഷീർ, ഐസിഡിഎസ് സൂപ്പർവൈസർ ടി.ദേവി, പഞ്ചായത്ത് മെംബർമാരായ ലിസി ചാക്കോച്ചൻ, മേഴ്സി തോമസ്, ജെപിഎച്ച്എൻ ലിജി വർഗീസ്, ഐ.ഷിബു, കാഞ്ചന ഷാജി, വർക്കി തിരുമല, ജിനി ബിജു, വിജി സെബാസ്റ്റ്യൻ എന്നിവർ സംസാരിച്ചു.
