പ്ലസ് ടു ക്രിസ്മസ് പരീക്ഷാ തീയതി പ്രഖ്യാപിച്ചു
തിരുവനന്തപുരം: സംസ്ഥാനത്തെ ഹയര് സെക്കന്ററി സ്കൂളുകളിലെ ക്രിസ്മസ് പരീക്ഷ തീയതി പ്രഖ്യാപിച്ചു. ഡിസംബര് 11 മുതല് 20 വരെയാണ് പരീക്ഷ നിശ്ചയിച്ചിരിക്കുന്നത്. പ്ലസ് വണ് വിദ്യാര്ത്ഥികള്ക്ക് രാവിലെ 9.30 നും പ്ലസ് ടുക്കാര്ക്ക് ഉച്ചയ്ക്കുമാണ് പരീക്ഷ സമയം.
ഒന്നു മുതല് പത്ത് വരെയുള്ള ക്ലാസുകളിലെ തിയതി സംബന്ധിച്ച് തീരുമാനം കൈക്കൊണ്ടിട്ടില്ലെന്ന് വിദ്യാഭ്യാസ വകുപ്പ് അറിയിച്ചു. പുറത്ത് വിട്ട ഉത്തരവില് പത്താം ക്ലാസ് പരീക്ഷയുടെ വിവരങ്ങള് ഉള്പ്പെടുത്തിയിട്ടില്ല. പ്ലസ് ടു- പത്താം ക്ലാസ് ക്രിസ്മസ് പരീക്ഷകള് ഒന്നിച്ച് നടത്താനായിരുന്നു നേരത്തേ വകുപ്പ് തീരുമാനിച്ചിരുന്നത്