പാടശേഖര സമിതിക്ക് ടില്ലര്‍ നല്‍കി
താമരശേരി: ഗ്രാമപഞ്ചായത്ത് ജനകീയാസൂത്രണ പദ്ധതിയില്‍ ഉള്‍പ്പെടുത്തി വാങ്ങിയ ടില്ലര്‍ പാടശേഖര സമിതിക്ക് കൈമാറി. താമരശേരി ഗ്രാമപഞ്ചായത്തിന്‍റെയും പാടശേഖര സമിതിയുടെയും ഫണ്ടില്‍ നിന്ന് 1,57,000 രൂപ ചെലവഴിച്ചാണ് ട്രില്ലര്‍ വാങ്ങിയത്.
കോരങ്ങാട് മുണ്ടോളി വയലില്‍ ഗ്രാമപഞ്ചായത്ത് പ്രസിഡന്‍റ് കെ. സരസ്വതി ഉദ്ഘാടനം ചെയ്തു. കൃഷി ഓഫീസര്‍ കെ.എ. ഷിജോ, പാട ശേഖര സമിതി പ്രസിഡന്‍റ് എം. വിജയന്‍, ഗിരീഷ് തേവള്ളി, രതീഷ്, വി. രാജേന്ദ്രന്‍ തുടങ്ങിയവര്‍ സംബന്ധിച്ചു.
