സ്ത്രീയെ തോട്ടില്‍ മരിച്ച നില‍യില്‍ കണ്ടെത്തി
കൊയിലാണ്ടി: സ്ത്രീയെ തോട്ടില്‍ മരിച്ച നില‍യില്‍ കണ്ടെത്തി. ഊരള്ളൂര്‍ പുതിശ്ശേരി പറന്പത്ത് ആയിഷ ഉമ്മ (70)ആണ് മരിച്ചത്. ചൊവ്വാഴ്ച വൈകുന്നേരം മുതല്‍ ഇവരെ കാണാതായിരുന്നു. ബുധനാഴ്ച ഉച്ചയ്ക്ക് 2.40 ഓടെ ഊരള്ളൂര്‍ ചടങ്ങനാരിതാഴെ തോട്ടിലാണ് മൃതദേഹം കണ്ടത്.
ഭര്‍ത്താവ്: പരേതനായ കോയോട്ടി. മക്കള്‍: മുസ്തഫ, ജമീല, നസീറ, സീനത്ത്. മരുമക്കള്‍: അസീസ്, അഹമ്മദ്, ജമാല്‍, സുബൈദ. കൊയിലാണ്ടി പോലീസ് ഇന്‍ക്വസ്റ്റ് നടത്തിയ മൃതദേഹം കോഴിക്കോട് മെഡിക്കല്‍കോളജ് മോര്‍ച്ചറിയില്‍.
