ആഗസ്റ്റ് അഞ്ചുമുതല് 31വരെ സംസ്ഥാനത്ത് സംയുക്ത വാഹന പരിശോധന
തിരുവനന്തപുരം: റോഡ് സുരക്ഷാ ആക്ഷന് പ്ലാനിെന്റ ഭാഗമായി ആഗസ്റ്റ് അഞ്ചുമുതല് 31വരെ സംസ്ഥാനത്ത് സംയുക്ത വാഹന പരിശോധന കര്ശനമായി നടത്തും. ഓരോ തീയതികളില് ഓരോ തരം നിയമ ലംഘനങ്ങള്ക്കെതിരെയാണ് പൊലീസും മോട്ടോര് വാഹനവകുപ്പും സംയുക്ത പരിശോധനകള് മറ്റ് വിഭാഗങ്ങളുടെകൂടി സഹകരണത്തോടെ നടപ്പാക്കുന്നത്. സംസ്ഥാനത്തെ അപകടനിരക്കും അപകട മരണനിരക്കും കുറയ്ക്കുന്നതിെന്റ ഭാഗമായാണ് നടപടികള്.
ആഗസ്റ്റ് അഞ്ചുമുതല് ഏഴുവരെ സീറ്റ് ബെല്റ്റ്, ഹെല്മറ്റ്, എട്ടുമുതല് 10 വരെ അനധികൃത പാര്ക്കിങ്, 11 മുതല് 13വരെ അമിതവേഗം (പ്രത്യേകിച്ച് സ്കൂള് മേഖലയില്), 14 മുതല് 16 വരെ മദ്യപിച്ചുള്ള വാഹനമോടിക്കലും ലൈന് ട്രാഫിക്കും, 17 മുതല് 19 വരെ ഡ്രൈവിങ്ങിനിടെ മൊബൈല് ഫോണ് ഉപയോഗം, 20 മുതല് 23 വരെ സീബ്രാ ക്രോസിങ്ങും റെഡ് സിഗ്നല് ജംപിങ്ങും, 24 മുതല് 27 വരെ സ്പീഡ് ഗവേണറും ഓവര്ലോഡും, 28 മുതല് 31 വരെ കൂളിങ് ഫിലിം, കോണ്ട്രാക്ട് കാര്യേജുകളിലെ അധികലൈറ്റുകളും മ്യൂസിക് സിസ്റ്റവും എന്നീ വിഭാഗങ്ങള് തിരിച്ചാണ് പരിശോധന.
പരിശോധനകളുടെ മേല്നോട്ടത്തിനായി സംസ്ഥാനതലത്തില് ഐ.ജി ട്രാഫിക്കിനെ നോഡല് ഓഫിസറായും ജോയന്റ് ട്രാന്സ്പോര്ട്ട് കമീഷണര്, പി.ഡബ്ല്യു.ഡി ചീഫ് എന്ജിനീയര് (റോഡ്സ് ആന്ഡ് ബ്രിഡ്ജസ്), ചീഫ് എന്ജിനീയര് (എന്.എച്ച്), ആരോഗ്യ, വിദ്യാഭ്യാസവകുപ്പ് മേധാവികള് അംഗങ്ങളുമായ കമ്മിറ്റിയും ജില്ലതലത്തില് കലക്ടര് ചെയര്മാനും ജില്ല പൊലീസ് സൂപ്രണ്ട് നോഡല് ഓഫിസറായും റീജനല് ട്രാന്സ്പോര്ട്ട് ഓഫിസര്, പി.ഡബ്ല്യു.ഡി എക്സിക്യൂട്ടിവ് എന്ജിനീയര് (റോഡ്സ് ആന്ഡ് ബ്രിഡ്ജസ്), (എന്.എച്ച്) തുടങ്ങിയവര് അംഗങ്ങളായും കമ്മിറ്റി രൂപവത്കരിച്ചിട്ടുണ്ട്. ഈ കമ്മിറ്റികള് ആഴ്ചതോറും നടപടികള് അവലോകനം ചെയ്യും.
വാഹനപരിശോധനകള്ക്ക് പുറമെ, മറ്റ് ട്രാഫിക് നിയമലംഘനങ്ങള് ഒഴിവാക്കാന് കര്ശന നടപടികള് സ്വീകരിക്കാനും വിവിധ വകുപ്പുകള്ക്ക് നിര്ദേശം നല്കിയിട്ടുണ്ട്. അമിതവേഗം, മദ്യപിച്ച് വാഹനം ഓടിക്കല് എന്നിവക്ക് പിടിക്കപ്പെടുന്ന ഡ്രൈവര്മാരുടെ ലൈസന്സ് സസ്പെന്ഡ് ചെയ്യും. ഇവര്ക്ക് റോഡ് സുരക്ഷയെക്കുറിച്ച് ഒരുദിവസത്തെ ക്ലാസ് നല്കും. ബസ് ബേകളില് നിര്ത്താതെ റോഡില് നിര്ത്തുന്ന കെ.എസ്.ആര്.ടി.സി/സ്വകാര്യ ബസുകള്ക്കെതിരെ നടപടിയെടുക്കും.
എല്ലാ സ്കൂളുകളും കേന്ദ്രീകരിച്ച് സ്കൂള് ബസുകളുടെ അമിതവേഗം, ഓവര്ലോഡ് തുടങ്ങിയവ പരിശോധിക്കും. കാറുകളില് എല്ലാ യാത്രക്കാരും സീറ്റ് ബെല്റ്റ് ധരിക്കുന്നുണ്ടോ എന്നും പരിശോധിക്കും.പൊതുമരാമത്ത് വകുപ്പ് മുന്കൈയെടുത്ത് നടപ്പാതകളിലും റോഡിലുമുള്ള കൈയേറ്റങ്ങള് ഒഴിപ്പിക്കാന് നടപടി സ്വീകരിക്കും. നടപ്പാതകളിലും റോഡിലുമുള്ള മറ്റ് അനധികൃത കൈയേറ്റങ്ങള് ഒഴിപ്പിക്കാന് കലക്ടര്മാരുടെയും തദ്ദേശസ്ഥാപനങ്ങളുടെയും തലത്തില് രണ്ടാംഘട്ട നടപടി സ്വീകരിക്കും. കാട് പിടിച്ചതോ കാണാന് സാധിക്കാത്തതോ ആയ സൈന് ബോര്ഡുകള് വൃത്തിയാക്കാന് ആഗസ്റ്റ് 10ന് നടപടി സ്വീകരിക്കും.