എസ്എസ്എൽസി ഫല പ്രഖ്യാപനം; നിർണായക പരീക്ഷ ബോർഡ് യോഗം ഇന്ന്
.
എസ്എസ്എൽസി പരീക്ഷ ഫലപ്രഖ്യാപനവുമായി ബന്ധപ്പെട്ട നിർണായക പരീക്ഷ ബോർഡ് യോഗം ഇന്ന്. പരീക്ഷ കമ്മീഷണറായ പൊതു വിദ്യാഭ്യാസ ഡയറക്ടറുടെ അധ്യക്ഷതയിൽ ഉച്ചയ്ക്ക് മൂന്ന് മണിക്കാണ് യോഗം ചേരുന്നത്. ഡയറക്ടറെ കൂടാതെ പരീക്ഷാ സെക്രട്ടറി, എസ് സി ഇ ആർ ടി ഡയറക്ടർ, രണ്ട് വിഷയ വിദഗ്ധർ എന്നിവരാണ് യോഗത്തിൽ പങ്കെടുക്കുക. പരീക്ഷാഫലം 15-ാം തീയതി തന്നെ പ്രഖ്യാപിക്കാൻ കഴിയുമോ എന്ന കാര്യം യോഗം ചർച്ച ചെയ്യും.
ഫലപ്രഖ്യാപനം പറഞ്ഞ തീയതിയിൽ തന്നെ നടത്തണമെന്നാവശ്യപ്പെട്ട് കൊണ്ട് വിവിധ വിദ്യാർത്ഥി അധ്യാപക സംഘടനകളും രക്ഷിതാക്കളും രംഗത്തുവന്നിട്ടുണ്ട്. തർക്കങ്ങളും പ്രശ്നങ്ങളും കഴിഞ്ഞ് ഇതുവരേയും കോൺഗ്രസിന് മുഖ്യമന്ത്രിയെ തെരഞ്ഞെടുക്കാനോ മുഖ്യമന്ത്രിയെ തീരുമാനിക്കാനോ കഴിഞ്ഞിട്ടില്ല. ഇതാണ് തെരഞ്ഞെടുപ്പ് ഫലം വന്നിട്ടും ഇതുവരേയും സർക്കാർ രൂപീകരിക്കാൻ കഴിയാത്തതിൻ്റെ കാരണം. ഇതിൻ്റെ പശ്ചാത്തലിത്തിലാണ് സർക്കാർ സംവിധാനങ്ങൾ ഉൾപ്പെടെ അനിശ്ചിതത്വത്തിൽ ആയിരിക്കുന്നത്.
