ഹയർ സെക്കൻഡറി പരീക്ഷാ ഫലം പ്രഖ്യാപിച്ചു. 77.97 ശതമാനം വിജയം
സംസ്ഥാനത്ത് ഹയർ സെക്കൻഡറി പരീക്ഷാ ഫലം പ്രഖ്യാപിച്ചു. 77.97 ശതമാനമാണ് വിജയം. വിദ്യാഭ്യാസ മന്ത്രി എൻ ഷംസുദ്ദീനാണ് പരീക്ഷാ ഫലങ്ങൾ പ്രഖ്യാപിച്ചത്. ആകെ 4.25 ലക്ഷം വിദ്യാർഥികൾ പരീക്ഷയെഴുതിയതിൽ 290398 പേർ ഉപരിപഠനത്തിന് യോഗ്യത നേടി. കഴിഞ്ഞ വർഷത്തെ അപേക്ഷിച്ച് 0.16 വിജയ ശതമാനം ഇത്തവണ കൂടുതലാണ്.
സർക്കാർ സ്കൂളുകളിലെ 121661 വിദ്യാർത്ഥികൾ ഉപരി പഠനത്തിന് യോഗ്യത നേടിയതായും അദ്ദേഹം പറഞ്ഞു. 2026 ജൂൺ 29 മുതൽ ജൂലൈ 3 വരെ സേ പരീക്ഷ നടക്കും. പെൺകുട്ടികളുടെ വിജയ ശതമാനം 86.89 ആണ്. ആൺകുട്ടികളെ അപേക്ഷിച്ച് 20 ശതമാനത്തിലധികം വിജയം ശതമാനം പെൺകുട്ടികൾക്ക് ലഭിച്ചുവെന്നും മന്ത്രി പറഞ്ഞു. പെൺകുട്ടികളുടെ വിജയ ശതമാനം ഇത്തവണ കൂടുതലാണ്.
കൊമേഴ്സ് വിഭാഗത്തിൽ പരീക്ഷ എഴുതിയവർ 108567 പേരാണ്. വിജയിച്ചവർ 81147 പേരുമാണ്. 74.74 ആണ് വിജയ ശതമാനം. കഴിഞ്ഞ തവണ 74.21 ആയിരുന്നു ഇത്. പരീക്ഷാ ഫലം വിദ്യാഭ്യാസ വകുപ്പിൻ്റെ ഔദ്യോഗിക വെബ്സൈറ്റിൽ ലഭ്യമാണ്.
