തൃശൂരിൽ വീര്യം കൂടിയ വൈൻ ബേക്കറി മുഖേന വിറ്റു

.

തൃശൂർ ചാലക്കുടിയിൽ വീര്യം കൂടിയ വൈൻ ബേക്കറി മുഖേന വിറ്റതായി കണ്ടെത്തി. 15 ശതമാനം വീര്യമുള്ള വൈൻ ആണ് കഴിഞ്ഞദിവസം വിൽപ്പന നടത്തിയത്. തൃശൂരിൽ പ്രവർത്തിക്കുന്ന എംആർസി ബേക്കറിയിലാണ് വൈൻ വിൽപ്പന നടത്തിയത്. ചാലക്കുടി ബെവ്കോയിൽ നിന്നും വീര്യം കൂടിയ വൈൻ വാങ്ങിയത് ഇന്നലെയാണ്. 42,000 രൂപയുടെ വൈനുകളാണ് ബേക്കറി ഉടമ വാങ്ങിയത്.

എക്സൈസിൻ്റെ അനുമതിയോടെയാണ് വൈൻ വാങ്ങിയത്. വിൽപ്പന നടത്താനുള്ള എല്ലാ രേഖകളും കൈവശമുണ്ടെന്നും ബേക്കറി ഓണർ കൃഷ്ണകുമാർ എം.സി പറഞ്ഞു. 15 ശതമാനം വീര്യമുള്ള ഹോര്‍ട്ടി വീഞ്ഞ് ബേക്കറി മുഖേന വില്‍പ്പന നടത്താമെന്ന് സർക്കാർ അനുമതി നൽകിയതിന് പിന്നാലെയാണ് ചാലക്കുടിയിലെ ബേക്കറിയിൽ നിന്ന് വൈൻ പിടികൂടിയത്. എന്നാൽ അനുമതി ലഭിച്ച വിവരം അറിയില്ലെന്നാണ് എക്സൈസ് വകുപ്പ് മന്ത്രി എസ് ലിജു പ്രതികരിച്ചത്.

ബേക്കറിയിൽ വൈൻ വിൽപന ആരംഭിച്ച ശേഷമാണ് വാർത്തകളിലൂടെ എക്സൈസ് മന്ത്രി എം. ലിജു തീരുമാനത്തെക്കുറിച്ച് അറിയുന്നത്. തുടർന്ന് എക്സൈസ് കമ്മീഷണറോട് മന്ത്രി അടിയന്തര റിപ്പോർട്ട് ആവശ്യപ്പെട്ടു.