ആൽമരത്തിന്റെ കൊമ്പൊടിഞ്ഞു വീണ് എട്ടു വയസുകാരൻ മരിച്ചു

കൊച്ചി: ആലുവ യുസി കോളേജിന് സമീപം ആൽമരത്തിന്റെ കൊമ്പൊടിഞ്ഞു വീണ് എട്ടു വയസുകാരൻ മരിച്ചു. കരോട്ട് പറമ്പിൽ രാജേഷിന്റെ മകൻ അഭിനവ് കൃഷ്‌ണയാണ് മരിച്ചത്.
വെള്ളാം ഭഗവതി ക്ഷേത്രത്തിൽ ആൽമരത്തിന്റെ കൊമ്പാണ് ഒടിഞ്ഞ് വീണത്. ഫുട്ബോൾ കളിച്ചുകൊണ്ടിരുന്ന കുട്ടികളുടെ മുകളിൽ മരക്കൊമ്പ് ഒടിഞ്ഞ് വീഴുകയായിരുന്നു. അഭിനവിനൊപ്പം കളിച്ചുകൊണ്ടിരുന്ന മൂന്ന് കുട്ടികൾക്കും പരിക്കേറ്റിട്ടുണ്ട്.