നാവിക സേനയുടെ പുതിയ മേധാവിയായി അഡ്മിറല്‍ കരംബീര്‍ സിംഗ് ചുമതലയേറ്റു
ഡല്‍ഹി: നാവിക സേനയുടെ പുതിയ മേധാവിയായി അഡ്മിറല്‍ കരംബീര്‍ സിംഗ് ചുമതലയേറ്റു. സൈനിക ട്രൈബ്യൂണല്‍ അനുമതിയോടെയാണ് കരംബീര്‍ സിങ്ങ് ചുമതലയേറ്റത് . കരംബീര്‍ സിംഗിന്‍റെ നിയമനത്തിനെതിരെ വൈസ് അഡ്മിറല്‍ ബിമല്‍ വര്‍മ ട്രൈബ്യൂണലിനെ സമീപിച്ചതിനെ തുടര്‍ന്നാണ് സൈനിക ട്രൈബ്യൂണ ലിന്റെ അനുമതി വാങ്ങേണ്ടി വന്നത്.
സേനയുടെ 24ാം മേധാവിയാണ് കരംബീര്‍ സിംഗ്. തീരദേശമേഖലയിലെ വെല്ലുവിളികളെ ഉടനടി നേരിടാന്‍ പാകത്തിലുള്ള ശക്തമായ സേനയായി നാവിക സേനയെ മാറ്റുകയെന്നതാണ് തന്‍റെ ഉദ്യമെന്ന് ചുമതലയേറ്റ ശേഷം കരംബീര്‍ സിങ്ങ് വ്യക്തമാക്കി .
അതേസമയം, വൈസ് അഡ്മിറല്‍ ബിമല്‍ വര്‍മ നല്‍കിയ പരാതിയില്‍ ജൂലൈ 17 ന് ട്രൈബ്യൂണല്‍ വാദം കേള്‍ക്കും. തന്‍റെ സീനിയോറിറ്റി മറികടന്ന് കരംബീര്‍ സിങ്ങിനെ നിയമിച്ചെന്നാണ് ബിമല്‍ വര്‍മയുടെ പരാതി.
Advertisements
