കെഎസ്‌ആര്‍ടിസി ബസ് യാത്രക്കാരനെ വളഞ്ഞിട്ട് മര്‍ദ്ദിച്ച്‌ സ്വകാര്യബസ് ജീവനക്കാര്‍
കണ്ണൂര്‍: നടുറോഡില്‍ കെഎസ്‌ആര്‍ടിസി ബസ് യാത്രക്കാരനെ വളഞ്ഞിട്ട് മര്‍ദ്ദിച്ച്‌ സ്വകാര്യബസ് ജീവനക്കാര്‍. തളിപ്പറമ്ബില്‍ ഇന്നലെ വൈകുന്നേരമാണ് സംഭവം. പയ്യന്നൂരില്‍ നിന്ന് കണ്ണൂരിലേക്ക് സര്‍വ്വീസ് നടത്തുന്ന മാധവി എന്ന ബസിലെ ജീവനക്കാരാണ് കെഎസ്‌ആര്‍ടിസി യാത്രക്കാരനെ മര്‍ദ്ദിച്ചത്.
സ്വകാര്യ ബസ് ജീവനക്കാരും കെഎസ്‌ആര്‍ടിസി ജീവനക്കാരുമായി തളിപ്പറമ്പ്‌ ബസ് സ്റ്റോപ്പില്‍ വാക്ക് തര്‍ക്കമുണ്ടായി. ഇതു ചോദ്യം ചെയ്ത യാത്രക്കാരനെയാണ് ബസ് ജീവനക്കാര്‍ മര്‍ദിച്ചത്. തുടര്‍ന്ന് നാട്ടുകാര്‍ ഇടപെട്ടാണ് ബസ് ജീവനക്കാരെ പിടിച്ചു മാറ്റിയത്. അതേസമയം, പരാതി ലഭിക്കാത്തതിനാല്‍ കേസെടുത്തിട്ടില്ലെന്ന് തളിപ്പറമ്പ്‌
പൊലീസ് അറിയിച്ചു.
