മലപ്പുറത്ത് അണലിയെ പോക്കറ്റിലിട്ട് അതിഥി തൊഴിലാളി ചായ കുടിക്കാൻ കടയിലെത്തി; ഒടുവിൽ കടി കിട്ടി

.

മലപ്പുറം അരീക്കോട് അണലിയെ പോക്കറ്റിലിട്ട് അതിഥി തൊഴിലാളി ചായ കുടിക്കാൻ കടയിലെത്തി. ചായക്കടയിൽ ഇരിക്കുന്നതിനിടെ അരികിലുണ്ടായിരുന്ന ഒരാൾക്ക് പാമ്പിനെ കാണിച്ചുകൊടുത്തതോടെയാണ് നാട്ടുകാർ വിവരമറിയുന്നത്.

ഇന്നലെയായിരുന്നു സംഭവം. ഇയാൾ പോക്കറ്റിൽ കൈയിട്ട് പാമ്പിനെ പുറത്തെടുത്ത് സ്ഥലത്ത് ആശങ്ക പരത്തിയിരുന്നു. പല തവണ ഇയാള്‍ക്ക് പാമ്പിന്റെ കടിയേല്‍ക്കുകയും ചെയ്തു. കടിയേറ്റതോടെ ഇയാളെ നാട്ടുകാർ ആശുപത്രിയിൽ എത്തിക്കുകയായിരുന്നു. നിലവിൽ ഇയാൾ മഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലാണ്.

Advertisements