കിണറിൽ വീണയാളെ ഫയർഫോഴ്സ് സേന രക്ഷപ്പെടുത്തി
.
കൊയിലാണ്ടി: അരിക്കുളത്ത് കിണറിന് ആൾമറ കെട്ടുന്നതിനിടെ വീണ് പരിക്കേറ്റയാളെ ഫയർഫോഴ്സ് രക്ഷപ്പെടുത്തി. ഇന്ന് രാവിലെ 9 മണിയോടുകൂടിയാണ് അരിക്കുളം അരിച്ചാൽ മീത്തൽ മോഹനൻ എന്നയാളുടെ വീട്ടിലെ കിണറിൽ ആൾമറ കെട്ടുന്നതിനിടെ തൊഴിലാളിയായ ബാബു വെള്ളമില്ലാത്ത 25 അടി താഴ്ചയുള്ള കിണറിലേക്ക് വീണത്.
വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന അസി. സ്റ്റേഷൻ ഓഫീസർ അനിൽകുമാർ പി എമ്മിന്റെ നേതൃത്വത്തിൽ എത്തുമ്പോൾ ടിയാന്റെ വലതുകാൽ പൊട്ടിയതിനാൽ മുകളിൽ കയറാൻ പറ്റാത്ത അവസ്ഥയിലായിരുന്നു.
ശേഷം ഫയർ ആൻഡ് റെസ്ക്യൂ ഓഫീസർ രതീഷ് കെ ചെയർനോട്ടിന്റെ സഹായത്തോടു കൂടി കിണറിൽ ഇറങ്ങുകയും സ്ട്രക്ച്ചറിൽ കിടത്തി സ്ട്രക്ച്ചർ നോട്ട് ഉപയോഗിച്ച് റെസ്ക്യു നെറ്റുമായി ബന്ധിപ്പിച്ചു സേനാംഗങ്ങളുടെയും നാട്ടുകാരുടെയും സഹായത്തോടുകൂടി ബാബുവിനെ സുരക്ഷിതമായി മുകളിൽ എത്തിക്കുകയായിരുന്നു. കൊയിലാണ്ടി താലൂക്കാശുപത്രിയിലെത്തിച്ച ബാബുവിനെ കോഴിക്കോട് മെഡിക്കൽ കോളേജിൽ കൊണ്ടുപോയി.
ഫയർ ആൻഡ് റെസ്ക്യൂ ഓഫീസർമാരായ ജിനീഷ് കുമാർ പി കെ, നിധിപ്രസാദി ഇ എം, ലിനീഷ് എം, സുജിത്ത് എസ് പി നവീൻ, ഹോംഗാർഡുമാരായ ബാലൻ ടി പി രാജേഷ് കെ പി, പ്രബീഷ് എന്നിവർ രക്ഷാപ്രവർത്തനത്തിൽ ഏർപ്പെട്ടു.
