കേരള സ്റ്റേറ്റ് സർവീസ് പെൻഷനേഴ്സ് യൂണിയൻ വാർഷിക സമ്മേളനം
തിക്കോടി: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ തിക്കോടി യൂണിറ്റ്
വാർഷിക സമ്മേളനം സർവീസ് സഹകരണ ബാങ്ക് ഓഡിറ്റോറിയത്തിൽ നടന്നു. ഡിഎ കുടിശ്ശിക അടിയന്തരമായി അനുവദിക്കണമെന്ന് സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു. ഗ്രാമപഞ്ചായത്ത് പ്രസിഡണ്ട് ജമീല സമദ് ഉദ്ഘാടനം നിർവഹിച്ചു. പ്രസിഡണ്ട് ബാബു സരയു അധ്യക്ഷത വഹിച്ചു. നവജീവൻ ട്രസ്റ്റ് തിരുന്നാവായ സാഹിത്യ പ്രതിഭാ പുരസ്കാര ജേതാവ് ഇബ്രാഹിം തിക്കോടിയെ ആദരിച്ചു.
ടി.എൻ ബാലകൃഷ്ണൻ അനുശോചന പ്രമേയം അവതരിപ്പിച്ചു. സ്റ്റേറ്റ് കൗൺസിലർ ടി. കുഞ്ഞിരാമൻ മാസ്റ്റർ സംഘടനാ റിപ്പോർട്ടും. വി.ടി. ഗോപാലൻ വാർഷിക റിപ്പോർട്ടും, ഇബ്രാഹിം തിക്കോടി വരവ് ചെലവ് കണക്കും അവതരിപ്പിച്ചു. ബ്ലോക്ക് സെക്രട്ടറി എ.എം കുഞ്ഞിരാമൻ, കെ. പത്മനാഭൻ, കെ .ടി ചന്ദ്രൻ ഉമ്മർ അരീക്കര, ജ്യോതിശ്രീ എന്നിവർ സംസാരിച്ചു. ശശി കുങ്കച്ചൻ കണ്ടി, സത്യൻ ഒതയോത്ത്, രജനി ടീച്ചർ, സന്തോഷ് കുമാർ, ഉത്തമൻ, കെ.എം. അബൂബക്കർ, സമദ്. കെപുറക്കാട് എന്നിവർ ചർച്ചയിൽ പങ്കെടുത്തു. പി. ആമിന ടീച്ചർ നന്ദി രേഖപ്പെടുത്തി.
പി. നാരായണൻ വരണാധികാരിയായി പുതിയ ഭാരവാഹികളെ തെരഞ്ഞെടുത്തു. ബാബു സരയു (പ്രസിഡണ്ട്), ബാബു പടിക്കൽ (സെക്രട്ടി), വി.ടി. ഗോപാലൻ (ട്രഷറർ).
