നഗര ശുചീകരണ തൊഴിലാളികളെ ആദരിച്ചു
കൊയിലാണ്ടി: ലോക പരിസ്ഥിതി ദിനത്തിന്റെ ഭാഗമായി കൊയിലാണ്ടി മർകസ് പബ്ലിക് സ്കൂൾ വിദ്യാർത്ഥികൾ കൊയിലാണ്ടി നഗരസഭയിലെ ശുചീകരണ തൊഴിലാളികളെ ആദരിച്ചു. നഗര സൗന്ദര്യത്തിൻ്റെയും ശുചിത്വത്തിന്റെയും കാവലാളുകളായ ശുചീകരണ തൊഴിലാളികളെ പ്രശംസാ ഫലകവും മധുരവും നൽകിയാണ് വിദ്യാർത്ഥികളും സ്കൂൾ മാനേജ്മെൻ്റും ആദരിച്ചത്. മുൻസിപ്പൽ ചെയർപേഴ്സൺ സുധ കിഴക്കേപാട്ട് ചടങ്ങ് ഉദ്ഘാടനം ചെയ്തു.
ഒരാഴ്ച നീണ്ടു നിൽക്കുന്ന വിവിധ പരിപാടികളാണ് പരിസ്ഥിതി സംരക്ഷണ വാരത്തിൻ്റ ഭാഗമായി സ്കൂളിൽ നടക്കുന്നതെന്ന് പ്രിൻസിപ്പൽ അബ്ദുൽ മജീദ് ഇർഫാനി അറിയിച്ചു. നഗരസഭ സ്റ്റാൻഡിങ് കമ്മിറ്റി ചെയർമാൻമാരായ ഷിജു മാസ്റ്റർ, ഇന്ദിര ടീച്ചർ. കൗൺസിലർമാരായ വി എം സിറാജ്, വിഷ്ണു. ഹെൽത്ത് ഇൻസ്പെക്ടർ കെ.പി രമേഷൻ, ജൂനിയർ ഹെൽത്ത് ഇൻസ്പെക്ടർമാരായ പ്രസാദ്, ഷീബ, ഷിജിന സ്കൂൾ അഡ്മിനിസ്ട്രേറ്റർ സികെ അബ്ദുനാസർ തുടങ്ങിയവർ ആശംസാ പ്രസംഗം നടത്തി. പ്രിൻസിപ്പൽ അബ്ദുൽ മജീദ് ഇർഫാനി സ്വാഗതവും അബ്ദുൽകരീം നിസാമി നന്ദിയും പറഞ്ഞു.
