കടലാക്രമണത്തില് തോണി തകര്ന്ന് മണല് തൊഴിലാളികള് അദ്ഭുതകരമായി രക്ഷപ്പെട്ടു
വടകര: കടലാക്രമണത്തില് തോണി തകര്ന്ന് മണല് തൊഴിലാളികള് അദ്ഭുതകരമായി രക്ഷപ്പെട്ടു. കോട്ടപ്പുഴ അഴിമുഖത്ത് വെച്ചാണ് സംഭവം. മണല് ശേഖരിച്ച് തിരിച്ച് അഴിമുഖത്തു നിന്ന് കറുവ പാലത്തേക്ക് വരുന്നതിനിടെ തോണി കടലാക്രമണത്തില് രണ്ടായി മുറിഞ്ഞ് വെള്ളത്തിനടിയില് താഴ്ന്നു പോകുകയായിരുന്നു. തൊഴിലാളികളായ കളത്തില് സുനില് കുമാര്, പാറേമ്മല് വാസു എന്നിവരാണ് രക്ഷപ്പെട്ടത്. കടലാക്രമണത്തില് തോണിയില് നിന്ന് തെറിച്ച് വെള്ളത്തില് വീണ ഇരുവരും നീന്തി രക്ഷപ്പെടുകയായിരുന്നു. അപകടത്തില്പെട്ട തോണി സുനില് കുമാറിന്റെ ഉടമസ്ഥതയിലുള്ളതാണ്. രണ്ടായി പിളര്ന്ന തോണി പിന്നീട് തിരമാലയില് കരക്കടിഞ്ഞു. രണ്ടു മാസം മുമ്പ് മറ്റൊരു തോണിയും അപകടത്തില് തകര്ന്നിരിന്നു. പൂഴി തൊഴിലാളികള്ക്ക് മാന്യമായ വേതനവും നഷ്ടപ്പെട്ട തോണികള്ക്ക് നഷ്ടപരിഹാരവും നല്കണമെന്ന് തൊഴിലാളികള് ആവശ്യപ്പെട്ടു.