സ്വര്ണ വിലയില് വീണ്ടും വര്ധന
കൊച്ചി: സംസ്ഥാനത്ത് സ്വര്ണവില മുകളിലേക്ക് കുതിക്കുന്നു. ശനിയാഴ്ച പവന് 120 രൂപ വര്ധിച്ച് 35,320 രൂപയായി. ഗ്രാമിന് 15 രൂപ കൂടി 4,415 രൂപയിലെത്തി. ഈ മാസത്തെ ഏറ്റവും കൂടിയ വിലയാണ് ഇന്ന് രേഖപ്പെടുത്തിയത്.
ഏപ്രില് മാസത്തില് മാത്രം പവന് രണ്ടായിരം രൂപയാണ് കൂടിയത്. ഏപ്രില് ഒന്നിന് 33,320 രൂപയായിരുന്നു പവന്റെ വില. ആഗോള വിപണിയിലും ഈയാഴ്ച സ്വര്ണവിലയില് നാലു ശതമാനത്തിന്റെ വര്ധന രേഖപ്പെടുത്തി.
കോവിഡിന്റെ രണ്ടാംതരംഗവും ഉത്സവ, വിവാഹ സീസണില് സ്വര്ണത്തിന് ഡിമാന്ഡ് വര്ധിച്ചതും രാജ്യത്തെ വിലവര്ധനയെ സ്വാധീനിച്ചതായാണ് വിലയിരുത്തുന്നത്.