സുരക്ഷ പെയിന്‍ ആന്റ് പാലിയേറ്റീവ് കെയര്‍: ജില്ലാ ഓഫീസ് കോഴിക്കോട് പ്രവര്‍ത്തനം ആരംഭിച്ചു
സുരക്ഷ പെയിന്‍ ആന്റ് പാലിയേറ്റീവ് കെയര്‍ സൊസൈറ്റിയുടെ ജില്ലാ ഓഫീസ് കോഴിക്കോട് പ്രവര്‍ത്തനം ആരംഭിച്ചു. എരഞ്ഞിപ്പാലത്തെ ശാസ്ത്രി നഗര്‍ കോംപ്ലക്സില്‍ കോര്‍പ്പറേഷന്‍ മേയര്‍ തോട്ടത്തില്‍ രവീന്ദ്രന്‍ ഓഫീസ് ഉദ്ഘാടനം ചെയ്തു.
സൊസൈറ്റിക്കായി മലബാര്‍ ഗോള്‍ഡ് ചാരിറ്റബിള്‍ ട്രസ്റ്റ് 16 വീതം വീല്‍ചെയര്‍ , വാക്കര്‍ , B P അപ്പാരറ്റസ് എന്നിവ നല്‍കി. മലബാര്‍ ഗോള്‍ഡ് ചാരിറ്റബിള്‍ ട്രസ്റ്റ് പ്രതിനിധി പരീതില്‍ നിന്ന് എ പ്രദീപ്കുമാര്‍ എം എല്‍ എ ഇവ ഏറ്റുവാങ്ങി.
സോണല്‍ കമ്മിറ്റികള്‍ക്കുള്ള വിതരണം സുരക്ഷ ഉപദേശക സമിതി ചെയര്‍മാന്‍ പി മോഹനന്‍ നിര്‍വഹിച്ചു. സൊസൈറ്റി ചെയര്‍മാന്‍ കെ കുഞ്ഞമ്മത് കുട്ടി മാസ്റ്റര്‍ അധ്യക്ഷത വഹിച്ചു. ഡോ. സുരേഷ്കുമാര്‍, വി ബാബുരാജ്, ജില്ലാ സഹകരണ ആശുപത്രി പ്രസിഡന്റ് ലത്തീഫ്മാസ്റ്റര്‍, ഡോ . എസ് സുധ എന്നിവര്‍ സംസാരിച്ചു.
Advertisements
