റഹ്മാനും ഭാമയും തിരിച്ചുവരുന്നു മറുപടിയിലൂടെ..
മലയാളത്തിന് നിരവധി ഹിറ്റുകള് സമ്മാനിച്ചിട്ടുള്ള സംവിധായകന് വി.എം. വിനുവിന്റെ നാല് വര്ഷത്തെ ഇടവേളയ്ക്ക് ശേഷമുള്ള കുടുംബ ചിത്രമാണ് മറുപടി. വിനുവിനൊപ്പം റഹ്മാന്, ഭാമ എന്നിവരുടെ മടങ്ങി വരവ് കൂടി ചിത്രം അടയാളപ്പെടുത്തുന്നു. മാനം കാക്കാന് പല്ലും നഖവും ഉപയോഗിച്ചുള്ള പ്രതിരോധത്തെ ഹീനകൃത്യമായി കാണാന് കഴിയില്ലെന്നുള്ള മഹാത്മാഗാന്ധിയുടെ വാക്കുകളോടെയാണ് സിനിമ അവസാനിക്കുന്നത്. സാമൂഹിക പരിഷ്ക്കരണങ്ങള്ക്ക് മുന്പ് ഇല്ലാതാക്കേണ്ടത് സ്ത്രീകള്ക്കും കുട്ടികള്ക്കുമെതിരായ അതിക്രമങ്ങളാണെന്ന ശക്തമായ സന്ദേശം സിനിമ പങ്കുവെയ്ക്കുന്നു. സമൂഹത്തിന്റെയും നിയമവ്യവസ്ഥിതിയുടെയും നേര്ക്ക് ചൂണ്ടുവിരല് ഉയര്ത്തുന്ന ചിത്രം ശിക്ഷിക്കപ്പെടുന്ന നിരപരാധികളുടെ നിസ്സഹായാവസ്ഥയും വരച്ചുകാട്ടുന്നു.