മൊബൈല് മോഷണം; യുവാവ് അറസ്റ്റില്
കോഴിക്കോട്: റെയിൽവേ പ്ലാറ്റ്ഫോമിലും ട്രെയിനിലും ചാർജ് ചെയ്യാൻ വയ്ക്കുന്ന വിലകൂടിയ മൊബൈൽ ഫോൺ മോഷ്ടിക്കുന്ന യുവാവിനെ കോഴിക്കോട് റെയിൽവേ എസ്ഐ ബി.കെ.സിജുവും സംഘവും അറസ്റ്റുചെയ്തു.
ഇടുക്കി വണ്ടിപ്പെരിയാർ പുതുക്കാട് പാറക്കൽ ഹൗസിൽ ഷംസുദ്ദീൻ ഇസ്മായിലാണ്( 28) കോഴിക്കോട് റെയിൽവേ സ്റ്റേഷനിൽ പിടിയിലായത്. തന്ത്രപൂർവം ഫോൺ കൈക്കലാക്കിയ ഉടൻ എസ്ഐയും സംഘവും പിടികൂടുകയായിരുന്നു. മുന്പ് കവർന്ന വിലകൂടിയ നിരവധി ഫോണുകൾ സൺഡേ മാർക്കറ്റിൽ കുറഞ്ഞ വിലയ്ക്ക് വിറ്റതായി ഇയാൾ പറഞ്ഞു.