മുക്കത്ത് അനധികൃതമായി കടത്തിയ ഒരു ടണ്‍ സ്ഫോടക വസ്തുക്കള്‍ പൊലീസ് പിടികൂടി
മുക്കം: മുക്കത്ത് അനധികൃതമായി കടത്തിയ ഒരു ടണ്‍ സ്ഫോടക വസ്തുക്കള്‍ പൊലീസ് പിടികൂടി. തമിഴ്നാട്ടില്‍ നിന്ന് വയനാട്ടിലേക്ക് അനധികൃത ലോറി മാര്‍ഗ്ഗം കടത്തുകയായിരുന്ന സോഡിയം നൈട്രേറ്റ് മിക്ച്ചര്‍ അടങ്ങിയ സ്ഫോടകവസ്തുക്കളാണ് പിടികൂടിയത്. മുക്കം എസ് ഐ.കെ.പി.അഭിലാഷിെന്‍റ നേതൃത്യത്തിലുള്ള പൊലീസ് സംഘമാണ് സ്ഫോടകവസ്തുക്കള്‍ കടത്തിയ ലോറി എടവണ്ണ – കൊയിലാണ്ടി സംസ്ഥാന പാതയിലെ മുക്കം ഓട തെരുവില്‍ നിന്ന് പിടികൂടിയത്.
രഹസ്യവിവര o ലഭിച്ചതിനെ തുടര്‍ന്നാണ് ലോറി പരിശോധിച്ചപ്പോഴാണ് പെട്ടികളിലാക്കി ടാര്‍ പായ കൊണ്ട് മൂടിയ നിലയില്‍ സ്ഫോടക വസ്തുക്കള്‍ കണ്ടത്. ലോറി ഡ്രൈവര്‍ തമിഴ്നാട് സേലംസ്വദേശി മാതേഷു (41) പൊലീസ് അറസ്റ്റു ചെയ്ത് അന്വേഷണം ആരംഭിച്ചിട്ടുണ്ട്. ടി.എന്‍ 56 A 8565 ലോറിയും കസ്റ്റഡിയിലെടുത്തിട്ടുണ്ട്.
എസ്.ഐയോടൊപ്പം സീനിയര്‍ പൊലീസ് സലിം, ജമോദ്, എ.എസ്.ഐ രാജീവ് ബാബു, നിബില്‍ ജോസഫ്, ഹരിദാസന്‍, ഷഫീഖ്, എ.എസ്.ഐ ബേബി, സജീവന്‍ എന്നിവരടങ്ങുന്ന സംഘമാണ് സ്ഫോടകവസ്തുക്കള്‍ പിടികൂടിയത്.
