പ്രദീപ് എം നായര് ചിത്രം വിമാനം ; ഫസ്റ്റ്ലുക്ക് പോസ്റ്റര് ഇറങ്ങി
കൊച്ചി: സ്വന്തമായി വിമാനമുണ്ടാക്കി പറപ്പിച്ച ബധിരനും മൂകനുമായ സജിയായി പൃഥ്വിരാജ്. തലപ്പാവിനും സെല്ലുലോയ്ഡിനും എന്ന് നിന്റെ മൊയ്തീനും ശേഷം പൃഥ്വിരാജ് വീണ്ടും യഥാര്ത്ഥ കഥ പ്രമേയമാകുന്ന സിനിമയിലെ നായകനാവുകയാണ്. നവാഗതനായ പ്രദീപ് എം നായരാണ് ചിത്രം സംവിധാനം ചെയ്യുന്നത്. ചിത്രത്തിന്റെ ഫസ്റ്റ്ലുക്ക് പോസ്റ്റര് ഇറങ്ങി.
മിണ്ടാനും പറയാനുമാവില്ലെങ്കിലും സ്വപ്നച്ചിറകുകളില് പറന്ന മനുഷ്യന്റെ കഥയാണ് വിമാനം പറയുന്നത്. നാട്ടിലെ റബ്ബര് തോട്ടത്തില് കീടനാശിനി തളിക്കാനെത്തിയ ചെറു ഹെലികോപ്ടര് കണ്ടാണ് തൊടുപുഴക്കാരന് സജി ആകാശസ്വപ്നങ്ങള് കണ്ടുതുടങ്ങിയത്. ദാരിദ്ര്യം കാരണ ഏഴാം തരത്തില് പഠനം ഉപേക്ഷിച്ച സജി മഹാഗണിപ്പലകയും മോട്ടോര്ബൈക്കിന്റെ എന്ജിനും ഉപയോഗിച്ചാണ് വിമാനമുണ്ടാക്കിപ്പറത്തിയത്.